Shpërthimi në Bjerut/ Qeveria e Libanit jep dorëheqjen, vendi në prag falimentimi

Pas shpërthimit të 4 gushtit në Bejrut, qeveria e Libanit ka dhënë dorëheqjen.

Më herët dhanë dorëheqjen: ministry i Mjedisit, ministrja e Informacionit, 6 deputetë dhe ambasadorja e Libanit në Joradani.

Ata kishin deklaruar se nuk duan të kenë të bëjnë më me qeverinë e korruptuar të Hassan Diabit.

Në Liban humbën jetën të paktën 160 persona dhe u plagosën mijëra të tjerë. Pas datës 4 gusht, nisën protesta të dhunshme në Bejrut.

Shpërthimi ndodhi në portin e qytetit, në një depozitë nitrati amoni që mbante më shumë se 2500 tonë nga substanca e rrezikshme që përdoret edhe për bomba.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas raportimeve, më shumë se 300 mijë persona kanë mbetur pa shtëpi dhe thuajse 50% e godinave në Bejrut kanë pësuar dëmtime pas shpërthimit tragjik.

Kostot ekonomike të kësaj tragjedie mendohet të arrijnë te 5 miliardë dollarë, duke çuar në prag të falimentimit Libanin, një shtet që ishte në vështirësi ekonomike edhe para tragjedisë, me protesta të shumta që po zhvilloheshin në të gjithë vendin.