RENEA zbarkon në Peqin, në ndjekje të një prej personave më të kërkuar në vend

RENEA ka zhvilluar një aksion ditën e sotme në qytetin e Peqinit. Qëllimi kryesor i këtij aksioni është kapja e njërit prej personave më të kërkuar në Shqipëri, Talo Çela.

Forcat special kanë zbarkuar në Peqin dhe kanë rrethuar një zonë pranë burgut, ku dyshohet se është fshehur.

Çela, 49-vjeç, me origjinë nga Elbasani, është shpallur në kërkim në vitin 2019 si i dyshuar në pjesëmarrjen e grabitjes famëkeqe të 6.2 milion eurove në Aeroportin e Rinasit.

Ai kërkohet edhe për vrasjen e dy vëllezërve Viktor dhe Besmir Haxhiaj, në 27 prillin e këtij viti, në Durrës.

Dyshohet se Çela kishte konflikt me dy vëllezërit pasi u kishte lënë atyre një shumë parash për t’i ruajtur, por që nuk ia kthyen më.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se më herët, për arrestimin e Talo Çelës kanë dështuar tre operacione.