LIGJET E BIZNESIT
Panik në Shtetet e Bashkuara të Amerikës.
Mësohet se ditën e djeshme ka patur të shtëna me armë zjarri pranë Shtëpisë së Bardhë.
Për pasojë presidenti Donald Trump është nxjerrë jashtë me urgjencë nga ambientet e konferencës që po mbante.
Sipas mediave, numri 1 i Shtëpisë së Bardhë u rikthye në sallë pas disa minutash.
Ai u shpreh se një person ishte goditur me armë zjarri nga forcat e policisë dhe më pas u dërgua në spital.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Trump shtoi se nga informacionet që kishte marrë, i dyshuari kishte qenë i armatosur.
“Pati të shtëna jashtë Shtëpisë së Bardhë. Duket se (situata) është krejtësisht nën kontroll…Por pati një goditje me armë dhe dikush është dërguar në spital. Nuk e di se si është ai person”, tha ai.
Korrespondenti i Zërit të Amerikës në Shtëpinë e Bardhë, Steve Herman shkruante në Twitter, se gazetarët ndenjën në sallën e konferencës për shtyp, ndërsa Shtëpia e Bardhë u vendos nën masa sigurie.
“Ju u befasuat dhe unë gjithashtu u befasova”, u tha presidenti gazetarëve, kur u rikthye.
Ai tha se ishte çuar në Zyrën Ovale, pasi u nxor nga salla e shtypit.
“Dua të falenderoj Shërbimin Sekret. Janë të mrekullueshëm”, tha Trump në përgjigje të njoftimeve se i dyshuari mesa duket ishte i armatosur.
“Ndoshta ‘të shtënat’ nuk kishin të bënin aspak me mua”, shtoi ai.
Shërbimi sekret konfirmoi se kishte pasur të shtëna me armë zjarri pranë Shtëpisë së Bardhë.
