Ministrja jep njoftimin e rëndësishëm: Kakavija dhe Kapshtica janë të hapura deri në orë 22:00

Pas ndërprerjes së punës në dy pikat e kalimit kufitar, në Kapshticë dhe Kakavijë, më në fund arrihet marrëveshja për rifillimin e punës.

Lajmin pozitiv e ka bërë me dije ministrja e Mbrojtjes, Olta Xhaçka. Ajo thekson se ditën e nesërme futet në fuqi kufizimi i ri, ku pala greke ka vendosur një kuotë ditore të numrit të qytetarëve që do të futen në territorin e tyre, si dhe kërkesa për formular dhe test negativ të Covid.

“Kakavija dhe Kapshtica do të qëndrojnë hapur deri në orën 22:00. Risjellim në vëmendje që nesër nis kufizimi i ri nga pala greke duke vendosur kuota dhe kërkesa për formular dhe test negativ. Qytetarët të mos paraqiten nesër në Kakavijë e Kapshticë pa formularin dhe testin negativ”, shkruan Xhaçka.

Nga nesër dhe në vijim, nga 300 persona në ditë do kalojnë nga Kapshtica, dhe 750 nga Kakavija. Sakaq detyrim është edhe testi i Covid, i bërë në 72 orët e fundit, nga të gjithë ata që do të kalojnë kufirin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern