LIGJET E BIZNESIT
Teksa një telefonatë ka ndodhur pak ditë më parë mes presidentit të Amerikës Donald Trump dhe kryeministrit grek, Kyriakos Mitsotakis janë zbuluar detaje të reja nga çfarë është diskutuar në lidhje me konfliktin mes Greqisë dhe Turqisë.
Mitsotakis i ka bërë me dije Trump mënyrën e vetme që sipas tij çon në uljen në tryezën e dialogut me Turqinë.
Sipas shefit të ekzekutivit grek, nëse nuk ka një dakordësi mes vendeve përkatëse, të bëhet një marrëveshje e përbashkët dhe të shkohet në Hagë, ndërsa gjatë kësaj kohe, Turqia duhet të ndalet menjëherë, në mënyrë që konflikti të mos përshkallëzohet
“Çështja është tek përcaktimi i zonave detare. Dhe nëse nuk biem dakord, të bëjmë një marrëveshje të përbashkët dhe të shkojmë në Hagë. Për të rifilluar bisedimet, megjithatë, Turqia duhet të ndalet menjëherë, në mënyrë që konflikti të mos përshkallëzohet”, raportohet të ketë thënë Mitsotakis në bisedën telefonike që zgjati 20-25 minuta.
Presidenti amerikan ka treguar gatishmëri për të ndërhyrë për krizën nga ana e tij, por nuk ka shprehur një qëndrim publik dhe zyrtar se në cuiolën anë rreshtohet Amerikë, ndërsa vendet e fuqishme të BE-së janë krah Greqisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
