LIGJET E BIZNESIT
Rrjetet sociale janë kthyer tashmë në një mjet komunikimi shumë i rëndësishëm për të përçuar informacion në kohë reale tek njerzit, saqë shumë kompani private shpenzojnë para nga portofoli i tyre financiar për të reklamuar aktivitetin në mediat, nëpërmjet sponsorizimeve.
Siç duket një trend të tillë, po ndjek edhe Fondi Shqiptar për Zhvillimin e Diasporës, por me një ndryshim thelbësor-kompanitë private shpenzojnë nga të ardhurat e tyre.
Institucioni nën varësinë e ministrit Pandeli Majko ka shpenzuar paratë publike, nëpërmjet tenderit “Shërbim promovimi digjital”, nëpërmjet rrjeteve sociale ndërkombëtare”, për të kryer sponsorizime në mediat sociale.
Fondi prej 3 milionë lekë (të vjetra) është fituar nga një kompani e re, e themeluar në qershor të këtij viti dhe që duket se, për të hyrë në treg, ka dhënë ofertën më të ulët.
Fondi Shqiptar për Zhvillimin e Diasporës ka vendosur të kryejë sponsorizime në rrjete sociale, me qëllim që të rrisë komunikimin me shqiptarët në vende të ndryshme të botës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Megjithëse prej disa vitesh ministër për “Diasporën”, Pandeli Majko, duket se ka gjetur një mënyrë digjitale, që të ‘njihet’ nga bashkëkombasit tanë nëpër botë, duke rritur like dhe ndjekësit në Facebook.
Në tender shpjegohet në mënyrë të detajuar nevoja që ka si institucion për të shpenzuar disa para publike për sponsorizime në rrjete sociale (Shërbim promovimi dixhital).
“Fondi Shqiptar për Zhvillimin e Diasporës është duke zhvilluar aktivitetet: Krijimi i Rrjetit të Profesionistëve në Diasporë, aktiviteti 2; Si të fillosh një biznes në Shqipëri, aktiviteti 4; Digjitalizimi i veprave shqiptare, aktiviteti 5
Këto aktivitete, midis të tjerash, kanë pjesë përbërëse të tyre edhe 3(tre) platforma elektronike, si produkte që mundësojnë komunikimin dhe ndërveprimin me grupet e synuara të projektit, të cilët ndodhen jashtë vendit. Aktualisht platformat janë të publikuara, të pasuruara më informacion dhe operojnë prej disa muajsh.
Me qëllim rritjen e numrit të përfituesve të projektit, përhapjen e informacionit te palët e interesit, si edhe nisur nga mungesa e kontaktit dhe takimet fizike me ta, nevojitet promovimi i platformave në rrjete sociale nëpërmjet fushatave të marketingut digjital.
Për këtë arsye, për të rritur shikueshmërinë e aktiviteteve online që FSHZHD ofron nëpërmjet platformave elektronike, si dhe per te rritur komunikimin me Shqiptaret ne Diaspore, kërkohet zhvillimi dhe menaxhimi i fushatave promovuese, nëpërmjet kanaleve të komunikimit digjital…”, thuhet në dokumentin e Fondit Shqiptar për zhvillimin e Diasporës ./faxweb
