I hetuar për vrasjen e kryekomisarit/ RENEA arreston gjatë natës të shumëkërkuarin, detaje nga aksioni

Gjatë natës RENEA ka zhvilluar një aksion të befasishëm në Qafë-Plloçë të Pogradecit, për kapjen e një personi me rrezikshmëri të lartë shoqërore.

Mësohet se është arrestuar Ilir Berberi. Banesa ku jetonte 52-vjeçari së bashku me gruan dhe vajzën e mitur është rrethuar nga efektivët e policisë.

Ndërkohë nuk ka patur rezistencë nga ana e tij pasi në momentin e ndërhyrjes ka qenë në gjumë.

I shumëkërkuari u kap brenda shtëpisë në kodër që ndodhej rreth 500 m larg të tjerave. Policia në banesë i ka gjetur armë zjarri dhe fisheke.

Më herët, Berberi ka qenë i dënuar për vjedhje, gjobëvënie dhe armembajtje pa leje. Po kështu, ai është hetuar edhe për disa ngjarje të rënda kriminale, si vrasja e shefit të komisariatit të Pogradecit, Agron Gjyrezit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern