E zhdukur prej tre ditësh/ Babai e kërkon i dëshpëruar: Ja ku është parë për herë të fundit

Është zhdukur një 14-vjeçare nga Vlora prej 3 ditësh.

Është familja e të miturës që ka bërë denoncimin për zhdukjen e vajzës.

Ata kanë bërë denoncim në policinë e Vlorës dhe atë të Lushnjës gjithashtu, sepse ka informacione që është parë të dalë nga një hotel i këtij qyteti.

Babai i të miturës, Miklovan Liço, tregon për mediat se e bija, Ergita, ka humbur kontaktet me familjen rreth orës 23:00, para tre ditësh.

“I falënderoj të gjithë shqiptarët nëse mund të më kontaktojnë te numri im 0692020843. Nuk kemi pas asnjë konflikt në familje, është hera e parë që ndodh, sepse unë jam një prind shembullor. Mbesa ime në Greqi më dha informacion që vajza ime ndodhej në Lushnje dhe aty ka marrë një shumë, ka marrë në telefon një djalë që quhet Silvi. Rreth orës 12:30, vajza ka dalë nga hoteli dhe më pas nuk është parë më”, ka deklaruar i ati mes lotësh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sakaq, policia vijon kërkimin për gjetjen e saj.