LIGJET E BIZNESIT
Një ngjarje e rëndë ka ndodhur në Mat.
Mësohet se një 79-vjeçar ka ndërruar jetë pasi është asfiksuar nga tymi.
Ai është identifikuar si shtetasi Hazis Kuka, dhe i ka vënë zjarrin disa shkurreve në fshatin Bujk të Matit.
Më pas si pasojë e tymit të flakëve, ai nuk ka mundur të mbijetojë.
Gjithashtu sipas informacioneve është djegur dhe banesa e të moshuarit, ndërsa ai është asfiksuar në përpjekje për të shuar flakët.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I moshuari ka ndezur zjarr për pastrimin e tokës por situata i ka dalë jashtë kontrollit.
NJOFTIMI ZYRTAR I POLICISE
Në fshatin Bujkë, Bashkia Mat, shtetasi H. K., rreth 79 vjeç , banues në qytetin e Burrelit, dyshohet se ka ndezur një zjarr për pastrimin e tokës së tij në fshat dhe si pasojë e përmasave të mëdha të zjarrit, është djegur edhe banesa e pa banueshme e tij, ndërsa shtetasi H. K., në përpjekje për të shuar zjarrin dyshohet se është asfiksuar nga tymi dhe për pasojë ka humbur jetën.
Grupi hetimor ndodhet në vendngjarje dhe po hetojnë për zbardhjen e plotë të rrethanave të ngjarjes. Drejtoria Vendore e Policisë Dibër, apelon për të gjithë banorët e qarkut që në asnjë rast të mos kryejnë pastrime me anë të djegies, duke rrezikuar jetën dhe pronën e tyre dhe të banorëve përrreth. Policia fton qytetarët që të njoftojnë në numrin 112 apo në Komisariatin Dixhital për çdo rast të zjarrvënies duke ju garantuar anonimat të plotë dhe reagim të shpejtë e të paanshëm.
