LIGJET E BIZNESIT
Artisti i skulpturës dhe pedagogu Arben Bajo ndërroi jetë sot pasi ishte infektuar nga koronavirusi.
Prej ditësh, ai ishte në gjendje të rëndë i shtruar te “Shefqet Ndroqi” , ku miqtë bënë thirrje në rrjetet sociale pasi kishte nevojë urgjente për gjak A-NEGATIV nga një person që e kishte kaluar COVID19.
Akuza të shumta dolën më pas ku njerëz të ndryshëm u shprehën se ai nuk mbijetoi dot pasi nuk iu gjet gjak, ndëra njëri prej tyre bën me dije se gjaku u gjend dje paradite.
“Unë Benin e kam mik, ime shoqe ka kolege Teutën, të shoqen e Benit. Si pasojë e këtyre lidhjeve kam qenë në kontak të vazhdueshëm me familjen dhe stafin mjekësor. Ju informoj se gjaku është gjendur qysh paraditen e sotme, por beteja vazhdon me mushkëritë… Jam konsultuar edhe me mikun tim, Prof. Piperon”, shkruan Genc Lllakaj, mik i të ndjerit.
Lidhur me ndarjen nga jeta të Bajos, newsbomb.al ka kontaktuar me mjekun Pëllumb Pipero, i cili thotë se në rastin e të ndjerit bëhej fjalë për plazëm hiperimune ose imune e përfituar nga persona në konvaleshencë, pra që e kanë kaluar sëmundjen dhe kanë antitrupa anti-Covid.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndërkaq ai shton se plazma hiperimune është një praktikë e konsoliduar në shumë vende, por ende jo në Shqipëri. Siç thotë Pipero, në vendin tonë po punohet se bashku me një ekip specialistesh italianë, për të mundësuar përfitimin nga përdorimi i plazmës, por ende nuk dihet kur do aplikohet.
“Ju falenderoj që më pyesni edhe mua. I ndjeri Arben trajtohej në spitalin Shefqet Ndroqi, sanatorium, jo në Infektiv. Sa i takon ankesave apo akuzave për mungesën e gjakut unë nuk kam informacion dhe nuk ka pse ta kem. Në dijeninë time, pasi më kanë pyetur shumë miq të profesorit të arteve, bëhej fjalë për plazëm hiperimune ose imune e përfituar nga persona në konvaleshencë, pra që e kanë kaluar sëmundjen dhe kanë antitrupa anti-covid.
Dua të sqaroj nga ana mjekësore se plazma hiperimune është një praktikë tashmë e konsoliduar në shumë vende, por me protokoll strikt. Në vendin tonë po punohet se bashku me një ekip specialistesh italianë, siç më kanë thënë, sepse unë nuk jam pjesë e asnjë strukture shtetërore në menaxhimin e Covid 19, për të mundësuar përfitimin nga përdorimi i plazmës të përfituar nga konvaleshentët! Se kur do aplikohet nuk e di”, thotë Pipero.
A duhet të ishte dërguar jashtë vendit për këtë shërim? “Po”, iu përgjigj pyetjes Pipero. Kësisoj i bie që e vetmja mënyrë për artistin e ndjerë që të merrte këtë shërbim, ka qenë që të dërgohej jashtë vendit për t’u trajtuar, pasi nuk mundësohet në vendin tonë. Më tej Pipero, pasi u pyet, tha se ka dëgjuar për raste të ngjashme, ku familjarë të të sëmurëve me Covid kanë kërkuar që të bëhej plazma imune te të afërmit e tyre.
“Nuk e di, dëgjova sot që ka familjarë të cilët kërkojnë të njëjtën gjë për të afërm të tyre, por përfitimi është në fazën e parë të sëmundjes, jo në fazën terminale”, deklaroi ndër të tjera Pëllumb Pipero.
