Aksident i rëndë në Vlorë/ Drejtuesi humb kontrollin, përmbyset furgoni i mallrave

Një aksident i rëndë ka ndodhur paraditen e sotme në autostradën Fier- Vlorë.

Mësohet se ngjarja është shënuar pranë rrethrrotullimit të Panajasë.

Sipas informacioneve drejtuesi i një furgoni mallrash ka humbur kontrollin dhe për pasojë është përmbysur në mes të rrugës.

Nga hetimet bëhet me dije se furgoni është përplasur fillimisht me trafikndarësen.

Shoferi ka mbetur i plagosur dhe është dërguar drejt spitalit rajonal të Vlorës për ndihmë mjekësore.

Ende nuk dihet gjendja e tij.

Si pasojë e aksidentit rruga është bllokuar dhe ka shkaktuar trafik për automjetet që vinin pas.

Policia ka mbërritur në vendngjarje dhe po heton për zbardhjen e plotë të shkaqeve dhe rrethanave të aksidentit.