Aksident i rëndë/ Drejtuesi humb kontrollin e mjetit dhe del nga rruga, ndërron jetë në vend

Një aksident fatal ka ndodhur sot në mesditë në Orikum.

Mësohet se drejtuesi i një mjeti tip “Ford” ka humbur kontrollin dhe më pas ka rënë në kanal.

Për pasojë ka humbur jetën shoferi 65-vjeçar.

Policia po bën verifikimet e nevojshme për të zbardhur shkaqet dhe rrethanat e aksidentit.

NJOFTIMI ZYRTAR I POLICISE

Rreth orës 12:10, në Orikum, në aksin rrugor kryesor si pasojë e humbjes së kontrollit ka dalë nga rruga automjeti tip Ford dhe ka rënë në një kanal.

Si pasojë është dëmtuar rëndë drejtuesi i mjetit shtetasi H. K., 65 vjeç, banues në Orikum, i cili ka ndërruar jetë në vend.

Grupi hetimor po kryen veprimet e mëtejshme për sqarimin e rrethanave të aksidentit.