“Vendosni Kosovën në hartë”, Cakaj letër kompanisë Apple

Ministri për Punët e Jashtme, Gent Cakaj, bashkë me Ministren e Jashtme dhe Diasporës së Kosvës, Meliza Haradinaj Stublla, i kanë dërguar një letër drejtorit ekzekutiv të Kompanisë Apple, Tim Cook. Ata kërkojnë që të merren masa për të vendosur kufijtë e Kosovës në hartën e Apple Maps.

Ishte vetë ministri Cakaj që e bëri me dije lajmin përmes një postimi në Facebook, i cili thotë se Kosova është njohur prej shumicës së shteteve të botës demokratike dhe, ashtu siç ka vendosur vetë Gjykata Ndërkombëtare e Drejtësisë, shpallja e pavarësisë së Kosovës është në përputhje të plotë me ligjin ndërkombëtar.

Postimi i plotë:

Në bashkërendim të plotë me Ministren e Jashtme dhe Diasporës së Republikës së Kosovës, znj. Meliza Haradinaj-Stublla, sot i kam dërguar një letër drejtorit ekzekutiv të Kompanisë Apple, z. Tim Cook, për t’i

kërkuar marrjen e masave të nevojshme për të paraqitur kufijtë e saktë të Republikës së Kosovës në shërbimin e Apple Maps.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Republika e Kosovës është njohur prej shumicës së shteteve të botës demokratike dhe, ashtu siç ka vendosur vetë Gjykata Ndërkombëtare e Drejtësisë, shpallja e pavarësisë së Kosovës është në përputhje të plotë me ligjin ndërkombëtar. Ndaj, presim që Apple Inc. të marrë vendimin e drejtë duke vendosur kufijtë e Republikës së Kosovës në hartat e shërbimeve të saj.

Shqipëria do të vazhdojë mbështetjen e pakursyer për Republikën e Kosovës në mënyrë të pakushtëzuar e në çdo rrethanë…