Situata alarmante/ Manastirliu: Ja 10 rregullat që duhet të ndiqni gjatë pushimeve

Bilanci i ditës së sotme ishte vërtet i lartë. Gjatë 24 orëve kanë humbur jetën 4 persona dhe 93 raste të reja të infektuara.

Ndërkohë, ministrja e Shëndetësisë, Ogerta Manastirliu u bën thirrje qëtetarëve të ndjekin rregullat dhe të zbatojnë distancimin social, për të pasur një sezon turistik të qetë dhe me pak raste.

Ja 10 rregullat që duhen ndjekur sipas videos së publikuar nga Manastirliu:

1. Pastrimi dhe dezinfektimi duhet të zbatohen me rigorozitet në bare, restorante, shezlone dhe në çdo ambient.
2. Në strukturat akomoduese duhet të ruhet distancimi fizik jo më pak se 1.5 meter.
3. Stafi i shërbimit në kontakt me pushuesit apo vizitorët duhet të mbajmë domosdoshmërisht maskë.
4. Kujdes me përdorimin e ashensorit, respektoni distancimin dhe higjenen.
5. Hapësira midis ndenjëseve dhe çadrave të pushuesve duhet jo më pak se 3.5 metër distancë.
6. Shmangni grumbullimet e çdo lloji.
7. Shmangni ambientet e mbyllura, konsumoni ushqim në ambiente të hapura.
8. Mos këmbeni aksesorët e plazhit me të tjerët.
9. Ruani higjenën vetjake dhe kolektive.
10. Nëse keni temperaturë mos u nisni për udhëtim dhe mos frekuentoni plazhin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern