LIGJET E BIZNESIT
Pas masave të marra nga qeveria për mbylljen e lokaleve të natës për shkak të pandemisë dhe shifrave në rritje, ka folur edhe këngëtari i njohur Devis Xherahu.
Ky i fundit ka theksuar se më parë mendoi që të kthehej në Shqipëri për të vazhduar karrierën e tij, por me këto kushte tani e ka të pamundur vijimin.
Xherahu u shpreh se nuk dëshiron të largohet nga vendi mirëpo qeveria me këto vendime po i dëbon artistët nga vendi.
Sipas tij këngëtarët shqiptarë s’janë as Celine Dion dhe as Michael Jackson, që të rrinë edhe 100 vite pa punuar.
“Unë kam bërë karrierë rreth 11-12 vjet në Greqi dhe pasi fillova të ngrihesha aty, mendova të vija në Shqipëri, në vendin tim dhe ta vazhdoja aty karrierën time. Janë 5 lekë më pak, por jam në vendin tim. Ky vend me këtë masë që mori, ne po na zbon. Unë nuk dua të largohem nga vendi im, do jem i fundit, si ai kapiteni ianijes. Por me këtë gjë që po bëhet ne nuk kemi mundësi tjetër.
Shqipëria nuk ka këngëtarë të pasur, ne nuk jemi as Michael Jackson apo Celine Dion që të rrimë edhe 100 vjet pa punuar.”- u shpreh këngëtari i përlotur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
