LIGJET E BIZNESIT
21-vjeçarja nga Gramshi me banim në Tiranë, Amantia Çarçiu, nuk vdiq nga virusi. Është kjo deklarata akuzuese që bën xhaxhai i saj Fredi Çarçiu në një prononcim për newsbomb.al. Sipas tij, Amantia ka vuajtur nga diabeti dhe bajamet.
“Vajza ka vuajtur nga diabeti dhe bajamet, ka shkuar në spital me temperaturë nga bajamet. Ka qenë më tempertaturë të vazhdueshme disa ditë.
Ne nuk e dërguam menjëherë në spital sepse e dinim si ishte gjendja të Infektivi dhe për më tepër e dinim që temperaturën ia shkaktonin bajamet. Vajza kishte një javë e shtruar në spital por e kishte kaluar tre-katër herë këtë krizë”, thotë xhaxhai teksa mohon me forcë që 21-vjeçarja të ketë vdekur nga virusi.
“Nëse ajo është viktimë e virusit, atëhere e kanë vrarë ata. Kam tre javë që kam ardhur nga Gjermania dhe doja të dilja me të dhe jo ta varrosja.
Në 24 orët e fundit, para se të ndërronte jetë, vajza ka folur me mua në kamera: më vjen shumë keq që s’e regjistrova videon. Humba dritën e syve”, rrëfen me tej për newsbomb.al xhaxhai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Sot e motra, shkoi të tërheqë dosjen nga spitali dhe çfarëdo të jetë shkruar në atë dosje unë nuk e besoj, nuk e di çfarë politike luhet që thonë se vajza vdiq nga virus por unë i akuzoj drejtpërdrejt dhe marr gjithçka parasysh sepse kam besim që e drejta do vërtetohet”, thotë më tej Fredi Çarçiu për newsbomb teksa shton se asnjë prej familjarëve të Amantias, përfshirë edhe të ëmën që i ka ndenjur te koka gjatë ditëve me temperaturë, nuk janë testuar pozitivë me virus.
“Amantia nuk ka vdekur nga virusi, që u fusin frikën njerëzve këta. Dua të përgënjeshtroj këtë”, thotë më tej ai teksa rrëfen se Amantia ishte një vajzë e qeshur të cilën e donin të gjithë, pavarësisht mbipeshës.
“Ka qenë një vajzë që kush e shikonte në rrugë e mbante mend me buzqëeshjen e vet, e donte jetën dhe luftonte pavarësisht mbipeshës, e kalonte me shaka, të gjithë e donin, ishin prototipi i lagjes.
Sapo kishte mbaruar provimin e shkollës së lartë, tani në korrik kishte dhënë provimin e saj të parë, nuk arriti të merrte as diplomën”, përmbyll mes dhimbjes dhe trishtimit për humbjen e madhe xhaxhai i Amantias./ newsbomb.al
