Mer dhuratë flamurin e Isa Boletinit, Basha: Do ta vendos në zyrë kur të bëhem Kryeministër

Kryetari i Partisë Demokratike, Lulzim Basha ka zhvilluar një vizitë dy ditore në Kosovë, ku va vizituar edhe kullën e famshme të atdhetarit Isa Boletini.

Basha shprehet se ka përjetuar një emocion të papërshkrueshëm teksa ka vizituar kullën e pamposhtur. Ai gjithashtu ka vizituar varrin e patriotit të shquar dhe është përulur para tij.

Përmes një postimin në rrjetin social Facebook, Basha na tregon se ka marrë një dhuratë të veçantë, flamurin 108-vjeçar dhe kryedemokrati zotohet se do ta vendosë në zyrën e tij në momentin që do të bëhet kryeministër.

Postimi i plotë:

Isha i nderuar sot të vizitoja kullën e Isa Boletinit, e të përulesha para varrit të tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Emocion të jashtëzakonshëm përjetova tek kjo kullë e pamposhtur, e rrethuar, e bombarduar dhe e djegur gjashtë herë, por që askush, as dje, as sot dhe as nesër nuk mund ta çrrënjosë.

Kjo kullë sot është prapë e plotë, me të gjithë burrat e saj, si njëherë e një kohë. Isa Boletini është aty bashkë me bijtë e tij e trimat e tjerë të familjes Boletini, që dhanë jetën për këtë tokë.

Isa Boletini jo vetëm prehet në shtëpinë e tij, por edhe në Kosovën e pavarur, në Kosovën e lirë, siç e deshi e për të cilin u sakrifikua ai dhe familja e tij.

Pasardhësit e Isa Boletinit më bënë një nder të veçantë, duke më dhuruar flamurin 108 vjeçar të Isa Boletinit, me të cilin nisi kryengritjen para Shpalljes së Pavarësisë, për ta vënë në zyrën time nesër, si Kryeministër i Shqipërisë.

Ky flamur do të jetë pjesë e pandarë e zyrës time të punës, por bashkë me të familja Boletini, por dhe Kosova më dhanë një përgjegjësi të madhe, dhe unë do të bëj gjithçka, dhe nuk do të kursej asgjë, për t’i shërbyer Kosovës e Shqipërisë, për të ndërtuar të ardhmen tonë e të femijëve tanë, siç e deshën, e për të cilën u flijuan bijtë dhe bijat e kombit tonë.