LIGJET E BIZNESIT
Drejtori i Përgjithshëm i Policisë së Shtetit, Ardi Veliu ka zhvilluar një mbledhje me Tonin Vocajn dhe Aida Hajnajn. Ata analizuan situatën e kanabisit në vend, sëbashku me drejtorët vendor të Policisë së Elbasanit, Tiranës, Durrësit e Korçës si dhe shefat e komisariateve.
Veliu urdhëroi që e gjithë Policia e Shtetit të jetë në terren për të luftuar kanabisin dhe jo në zyrë.
Ndër të tjera, Veliu shtoi se aty ku konstatohet kultivimi kanabisi duhe të nxjerrë çdo përgjegjës i çdo institucioni qoftç ai i Policisç apo pushtetit vendor.
Drejtori i Përgjithshëm i Policisë së Shtetit tha se dronet dhe helikopterët duhet të kontrollojnë zonat, kryesisht tunelet, banesat e braktisura dhe serat.
Ai theksoi se duhen shtuar kontrollet për krimet mjedisore si dhe për masat ndaj COVID-19
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Njoftimi i policisë:
Antikanabisi/Tiranë, Elbasan, Korçë, Durrës
Takim rajonal për intensifikimin dhe thellimin e masave për parandalimin, evidentimin dhe goditjen e veprimtarisë kriminale në fushën e kultivimit dhe trafikimit të kanabisit.
Drejtori i Përgjithshëm i Policisë së Shtetit Ardi Veliu, së bashku me Zv/Drejtoren e Përgjithshme Aida Hajnaj, Drejtorin e Departamentit të Policisë Kriminale Tonin Vocaj dhe Drejtorin e Departamentit të Sigurisë Gjovalin Loka, zhvilloi një analizë ku morën pjesë drejtorët e drejtorive vendore Elbasan, Tiranë, Durrës e Korçë dhe shefat e komisariateve.
Drejtori i Përgjithshëm Veliu ka vlerësuar punën e deritanishme dhe ka kërkuar thellim të masave duke intesifikuar veprimet në terren dhe në marrjen e informacioneve.
Kjo në radhë të parë në bashkëpunim me qytetarët dhe me institucionet e agjencitë ligjzbatuese që ligji i ngarkon me përgjegjësi për të luftuar këtë veprimtari kriminale.
Veliu theksoi se nuk do tolerohet asnjë drejtues policie e deri te punonjësi më i thjeshtë, në rast se do ketë neglizhencë apo implikim, ndaj në ditët në vijim duhet të shtohen kontrollet në territor.
“Periudha që ka mbetur është periudhë që e gjithë Policia të jetë në terren e jo në zyra. Të nxirrni përgjegjësitë dhe atje ku janë konstatuar raste të kultivimit të ndëshkohen personat përgjegjës, qoftë nga radhët e Policisë, pushteti vendor, kryepleqtë e fshatrave, inspektorët e pyjeve e të cilitdo institucion që ngarkon ligji me përgjegjësi”, – shtoi Veliu.
Ai porositi që me dronët dhe helikopterin e Policisë çdo ditë duhen ushtruar kontrolle e rikontrolle territori.
“Grupet e kontrollit nga toka të kontrollojnë imtësisht territorin, banesat e braktisura, tunelet, serat e çdo vend tjeter.
Policia Kriminale të intensifikojë veprimet në drejtim të marrjes së informacioneve për personat me tendencë kriminale”, – nënvizoi Drejtori i PSH.
Gjithashtu ai porositi të shtohen kontrollet për goditjen e krimeve mjedisore.
Veliu kërkoi më shumë angazhim në drejtim të rritjes së parametrave të sigurisë, me prioritet zonat bregdetare, kapjen e personave në kerkim, atyre që qarkullojne me armë apo me lëndë narkotike.
Drejtori u ndal edhe në intensifikimin e punës për zbatimin e masave për parandalimin e përhapjes së virusit.
Veliu ka theksuar se shërbimi ndaj qytetarëve është prioritar dhe ka kërkuar rritje të performancës së Policisë në këtë drejtim.
