LIGJET E BIZNESIT
Kadastra e Vlorës duket sikur nuk do të gjejë kurrë një rend normal, pasi dorëheqjet e shpeshta të drejtorëve bëjnë bujë në media dhe në opinionin publik.
I ftuar në emisionin Protokoll, ministri Lleshaj ka folur në lidhje me këto raste. Ministri tregon se kanë nisur hetimet nëse pas dorëheqjeve fshihen arsye kriminale apo jo.
Sipas Lleshaj dorëheqja është e drejtë e të gjithëve dhe teorikisht është normale, megjithatë shton se ka nisur një hetim për zbardhjen e plotë të arsyeve.
“E kam dëgjuar këtë histori disi të pazakontë. Jam informuar që po merren masa nga organet përkatëse ligjzbatuese për të hetuar se çfarë është pas kësaj, se në pamje të parë kemi situata teknikisht korrekte. Shkon dikush pastaj jep dorëheqjen. Çdokush ka të drejtë të japë dorëheqjen. Por për sa kohë dorëheqjet nuk janë shoqëruar me denoncime, për sa kohë policia apo prokuroria nuk janë kërkuar, nuk janë vënë në lëvizje, “teknikisht” korrekt. Duket e çuditshme por normale. Në fakt nuk është normale dhe me sa di unë janë duke u bërë procedimet përkatëse për të shkuar në thellësi dhe për të gjetur se çfarë është pas kësaj. Besoj që ata që merren me këtë punë në detaje, janë duke u marrë për të hulumtuar dhe për të kuptuar se cilat janë arsyet, ka një arsye kriminale apo janë arsye banale”, tha Lleshaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
