LIGJET E BIZNESIT
Dalin detaje të reja nga vrasja që ndodhi mbrëmjen e djeshme në zonën e “Komunës së Parisit” në Tiranë.
Hekuran Billa, biznesmeni 40-vjeçar me një të shkuar me precedent, u ekzekutua teksa po udhëtonte në makinën e tij.
Ndërkohë Policia e Shtetit dyshon se ekzekutimi është kryer nga vrasës me pagesë.
Por momenti i vrasjes së Hekuran Billës nuk është regjistruar nga kamerat e sigurisë.
Kjo tregon se autorët e kanë zgjedhur qëllimisht zonën që të mos regjistroheshin.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Referuar burimeve policore, ata e kanë ndjekur dhe gjurmuar 40-vjeçarin, këmba-këmbës me automjet dhe janë pozicionuar paralel me makinën e tij pikërisht në 100 metrat e zonës pa kamera në rrugën te ‘Komuna e Parisit” për ta qëlluar me 11 plumba.
Arma e përdorur në krim është një MP5 me silenciator, e ngjashme me ato qe perdor Garda dhe eshte çuar ne laborator.
Kjo armë nuk rezulton e regjistruar në Shqipëri.
Mjeti i përdorur nga autorët e krimit është një “Benz” që rezulton të jetë vjedhur në Kukës.
Pista kryesore që ka ngritur policia është ajo e vrasjes për hakmarrje.
Hekuran Billa, i njohur ndryshe si Herland Bilali, është një emër i njohur për drejtësinë angleze. Ai u dënua me burgim të përjetshëm për vrasjen e Prel Markut, ngjarje e ndodhur në 2006. Ai u shpall fajtor për tre akuza, “Vrasje” , “Vrasje mbetur ne tentative” dy herë si dhe “Plagosje me dashje”.
Dy persona të tjerë u plagosën nga plumbat gjatë të shtënave. Pronari i klubit në Angli Musa Rrahmani u plagos edhe u hodh nga dritarja e katit të dytë për të shpëtuar.
Billa nuk e ka kryer dënimin, në rrethana ende të paqarta ka ardhur në Shqipëri dhe ka hapur një biznes për dhënien me qira të makinave. Bëhet fjalë për një biznes të lokalizuar te “Qytet Studenti” i hapur në 27 janar të këtij viti.
