LIGJET E BIZNESIT
Është arrestuar nga policia person ii katërt i dyshuar për vrasjen e biznesmenit Hekuran Billa në Komunën e Parisit.
I arrestuari është shtetasi Gjekson Pusi, 33 vjeç, i cili ran ë pranaga nga blutë e Shkodrës.
Dyshohet se Pusi ka qenë duke drejtuar mjetin me të cilin u krye atentati ndaj Billës dhe bëhet me dije se ka qenë shok i ngushtë me Viktor Markun.
Policia ka arrestuar më herët Viktor Markun, Sebastian Malin dhe Adjola Lakrën, si të dyshuarit kryesorë të vrasjes së biznesmenit.
Njoftimi i Policisë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shkon në katër numri i personave të arrestuar për vrasjen e shtetasit H. B.
Si rezultat i veprimeve intensive hetimore që po kryhen nga Drejtoria Vendore e Policisë Tiranë, nën drejtimin e Prokurorisë së Rrethit Gjyqësor Tiranë, për zbardhjen dhe dokumentimin e plotë të ngjarjes së ndodhur mbrëmjen e 11 qershorit, ku mbeti i vrarë shtetasi H. B, një tjetër person ka rënë në prangat e Policisë.
Falë bashkëpunimit dhe koordinimit të veprimeve mes Drejtorisë Vendore të Policisë Shkodër dhe DVP Tiranë është vënë në pranga drejtuesi i mjetit që transportonte shtetasin V. M., i dyshuar si autori kryesor i vrasjes së shtetasit H. B.
Vihet në pranga shtetasi GJ. P., 33 vjeç, i cili u kap dhe u arrestua nga strukturat e Drejtorisë Vendore të Policisë Shkodër, pasi dyshohet se është autor i ngjarjes së ndodhur në fshatin Vukatanë, ku u qëllua me armë zjarri në drejtim të automjetit në pronësi të DPSHTRR, që drejtohej nga shtetasi F. H., 30 vjeç, banues në Dobraç, Shkodër.
Shtetasi Gj. P. ishte me masë sigurie “Arrest në shtëpi“, për veprën penale “Armëmbajtja pa leje”.
Gjithashtu, gjatë paradites së sotme, falë veprimeve hetimore të kryera nga strukturat e DVP Tiranë ka rezultuar se ky shtetas është i dyshuar si bashkëpunëtor në vrasjen e shtetasit H. B.
