LIGJET E BIZNESIT
Një ngjarje e rëndë ka ndodhur së fundmi në Zvicër.
Mësohet se një 56-vjeçar shqiptar i Kosovës ka vrarë nusen e djalit.
Mësohet se vjehrri dhe i biri 27 vjeç jetonin me të shoqen e këtij të fundit dhe me nipin 4 vjec deri një vit më parë.
Pastaj familja e re ishte zhvendosur në shtëpinë e tyre, afër shtëpisë së babait dhe kanë ruajtur lidhjet e ngushta familjare.
“Gjyshja shpesh kujdesej për djalin” thotë një fqinj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por, mbetet e paqartë përse kosovari 56 vjeçar e ka vrarë të renë dhe nënën e nipit.
Policia e Kantonit Bazel-Landschaft ka deklaruar se viktima është vrarë me thikë.
Një përfaqësues i familjes ka thënë për blick.ch se “ai mund të ketë vepruar në vetëmbrojtje. Ndoshta nusja e ka sulmuar, pasi edhe ai ishte plagosur, në dorë.
Arsyeja e mosmarrëveshjes dyshohet se është divorci i planifikuar në mes të çiftit të ri. Djali i 56 vjeçarit kishte marrë fshehurazi një avokat për të bërë divorcin, thonë anëtarë të familjes.
Në momentin kur nusja ka marrë vesh për planin e të shoqit, ajo thuhet se ka shkuar te vjehrra me djalin e saj dhe mund ta ketë fajësuar për problemet e saj martesore.
Më pas gjithë situata u përshkallëzua.
Të gjithë banorët e lagjes janë në gjendje shoku.
Njëri prej fqinjët shprehet se shpreson shumë që të bëhet fjalë për vetëmbrojtje.
Ndërkohë policia dhe grupi hetimor vijojnë punën për zbardhjen e plotë të ngjarjes.
