LIGJET E BIZNESIT
Ditën e sotme është 1 qershori, festa e fëmijëve.
Këtë vit vogëlushët e festojnë disi ndryshe, pas një izolimi të gjatë nga pandemia e koronavirusit.
Teksa autoritetet shëndetësore por edhe ato qeveritare bëjnë thirrje për evitimin e grumbullimeve me qëllim shmagien e përhapjes së virusit, mund të themi që këto rregulla vijojnë të mos respektohen.
E njëjta gjë ka ndodhur edhe sot, ku nga pamjet që vinë për Fast News Albania nga zona e Taivanit në Tiranë, shihet grumbullimi i fëmijëve dhe prindërve në lulishten e sapoinaguruar që prej rregullimit të fundit që ka bërë Bashkia.
Por përtej festës dhe gëzimit, dallohet fakti se masat nuk janë respektuar, distanca nuk është mbajtur, madje dhe punonjësit e Bashkisë nuk janë të pajisur me masa mbrojtëse si maskat dhe dorezat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kjo gjë vihet re dhe në pamjet e mëposhtme.
Ende nuk dihet se sa e rrezikshme mund të jetë kjo situatë, sidomos pas thirrjeve të njëpasnjëshme, se secili nga ne duhet të marrë masa dhe të shmangë kontaktet e afërta, si mënyra e vetme për tu mbrojtur nga COVID19, pandemia që po kërcënon botën që nga dhjetori i vitit të kaluar.
