LIGJET E BIZNESIT
Ditën e sotme Gjykata Penale e Maqedonisë së Veriut ka dhënë vendimet përkatëse për rastin “Reket”.
Kështu, ish-kryeprokurorja speciale Katica Janeva u shpall fajtore dhe u dënua me burg 7 vjet.
Gjithashtu dhe bashkëpunëtori, aktivisti i njohur Bojan Jovanovski u dënua me 9 vite burg.
Të dy duhet të paguajnë dhe harxhimet gjyqësore.
Katica Janeve në fjalët e fundit mohoi të jetë fajtore në këtë rast, e cila tha se nuk e ka bërë veprën dhe se i vjen turp që është pjesë e akuzës për të cilën, sipas saj, u tregua se është shpifje, sepse nuk ekzistojnë kurrfarë dëshmi për veprën për të cilën akuzohet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nuk u ndje fajtor as Bojan Jovanovksi, i cili tha se akuza bazohet vetëm në deklaratën e Jordan Kamçevit. Sipas Jovanovskit, Kamçevi mund t’i ketë dhënë një milion euro, edhe ndoshta më shumë, por jo atij. Ai mohon akuzat dhe pretendon se akuzat kundër tij janë të motivuara politikisht.
Gjykimi për rastin “Reket” filloi në nëntor të vitit 2019. Në seancën e parë, i akuzuari i dytë,Zoran Milevski – Kiçeec e pranoi fajin dhe u dënua me tre vite burg.
Boki 13 u akuzua se, ndikoi te Janeva për lëndën që e udhëhiqte PSP-ja, “Perandoria” për t’ia lehtësuar pozicionin e të dyshuarit Orçe Kamçevit. Si shpërblim, Janeva ka marrë mobilie në vlerë prej 296.040,00 denarë dhe para në vlerë prej 50,000 euro, ndërkaq Boki 13 dhe Zoki Kiçeec shpërblim prej 1.500,000 euro.
