Policia e ndiqte/ I riu nga Tirana bën ‘të fortin’ e godet efektivët, por ja si e pëson në fund (EMRI)

Policia e Tiranës ka vënë në pranga një 26-vjeçar pasi ka kundërshtuar dhe goditur efektivët.

Ngjarja ndodhi rreth orës 05:00 të mëngjesit të sotëm, ku i arrestuari mësohet se është Emilton Pjetri, banues në Tiranë.

Sipas njoftimit zyrtar të uniformave blu arrestimi i tij u bë pasi, rreth orës 05:00 të mengjesit , në rrugën “Mikel Maruli”, punonjësit e Policisë së Qarkullimit Rrugor, së bashku me shërbimet e Komisariatit Nr. 6, në momentin e ndalimit të mjetit pas ndjekjes nga ana e tyre, pasi e kishin konstatuar në shkelje të rregullave të qarkullimit rrugor, ky shtetas i ka kanosur dhe goditur për shkak të detyrës punonjësit e Policisë. Gjatë shoqërimit për në Komisariatin Nr. 6, ky shtetas ka shfaqur sjellje agresive dhe të dhunshme dhe ka goditur muret e Komisariatit.

Mësohet se është sekuestruar në cilësinë e provës mjeti me të cilin ky shtetas po qarkullonte.

Materialet do t’i kalojnë Prokurorisë, për veprat penale “Mosbindja ndaj urdhrit të punonjësit të policisë së rendit publik”, “Kundërshtimi me dhunë i punonjësit të policisë së rendit publik” ,“Goditja për shkak të detyrës”, “Kanosja për shkak të detyrës” dhe “Shkatërrimi i pronës”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern