LIGJET E BIZNESIT
Paraditen e sotme Elbasani u trondit nga një plagosje me armë zjarri.
Sipas informacioneve që vijojnë të dalin, i plagosur ka mbetur Ardian Çapja, një emër i njohur në qytet.
Pas ngjarjes, autorët kanë braktisur makinën në zonën e Fushë-Mbretit duke i vënë dhe flakën.
Gjithashtu mësohet se në makinë ka patur disa fishekë, të cilët në momentin që kanë plasur kanë plagosur zjarrëfikësin që po punonte për shuarjen e flakëve.
Ardian Çapja është plagosur brenda në banesën e tij dhe është nisur me urgjencë në spitalin e Elbasanit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia po punon për sqarimin e rrethanave të ngjarjes ndërkohë ka dalë dhe njoftimi zyrtar.
Ndërkohë, RENEA dhe forca të shumta policie kanë zbarkuar në Elbasan duke rrethuar edhe zonën ku ka ndodhur atentati.
Në tre vitet e fundit ky është atentati i tretë ndaj të fortit të Elbasanit.
Edhe dy atentateve të mëparshme ai ka mundur t’iu shpëtojë, ndërkohë që situata e kriminalitetit në Elbasan herë pas here eskalon në atentate dhe vrasje mafioze, nga përplasja mes bandave.
NJOFTIMI ZYRTAR I POLICISE
Elbasan/Informacion paraprak
Më datë 08.06.2020, rreth orës 09.37, në urgjencën e spitalit Elbasan, është paraqitur per ndihmë mjeksore shtetasi A.Ç.,rreth 55 vjeç, banues ne lagjen “Emin Matraxhiu”, Elbasan, dyshohet i plagosur me armë zjarri. Policia po punon për sqarimin e rrethanave të ngjarjes.
