Përfundon mbledhja e Këshillit Politik, Bylykbashi: Arritëm synimin

Përfaqësuesi i Partisë Demokratike në tryezën e Këshillit Politik, Oerd Bylykbashi u shpreh se opozita i arriti synimet që kishte, identifikimin biometrik dhe financimin e partive.

Bylykbashi bëri me dije se në të gjitha qëndrat e votimit do të ketë identifikim biometric dhe kushdo që do të tentojë të votojë më tepër se një herë do të ndëshkohet.

Deklarata e Bylykbashit:

Sot në mbledhjen e Këshillit Politik, diskutuam për identifikim bionmetrik, e cila është cështja kryesore, e asistuar nga partnerët ndërkombëtar, si dhe financimin e partive politike.

Sot diskutuam për të gjetur të gjitha garancitë. Identifikimi do jetë në të gjitha qendrat e votimit në Shqipëri. Kutitë do jenë të mbrojtur nga votat fallco. Kushdo që do guxojë të votojë më shumë se një herë do të identifikohet dhe do ndërshkohet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Për financimin e partive, në ramë dakord sot për paketën e financimit të tyre. Në këto ndryshime kemi rënë dakord të ketë një reduktim drastik të financimit privat dhe reduktim të shpenëzimeve.

Në kuadër të atij objektivi që kishim arritëm dhe këtë synim që kishin, për të ulur financimin privat.