LIGJET E BIZNESIT
Disa ngjarje të rënda e tronditëse kanë ndodhur ditën e sotme në kryeqytet.
Sipas njoftimit të policisë, një person ka rënë në kontakt me rrymën elektrike dhe ka ndërruar jetë. Ngjarja e rëndë ka ndodhur në vendin e quajtur “Bregu i Lumit” në Tiranë.
Ndërkohë, një 59-vjeçar është rrëzuar nga lartësia e një pallati në në ndërtim. Personi është dërguar menjëherë në spital dhe ndodhet nën kujdesin e stafit mjekësor.
Ndërkaq, policia ka shkuar në vendngjarje dhe po punon për të zbardhur rrethanat e ngjarjes.
Sakaq, një automjet i drejtuar nga shtetasi H.M., 49 vjeç ka aksidentuar një këmbësor, shtetasin P.Z., i cili është dërguar në spital.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Njoftimi i policisë:
Me date 09.06.2020, rreth orës 14:05, në rrugën “Dritan Hoxha”, mjeti me drejtues shtetasin H.M., 49 vjeç, ka aksidentuar kembesorin P.Z., 60 vjeç, i cili u dërgua në spital, dhe ndodhet nën kujdesin e mjekëve.
Me datë 09.06.2020, rreth orës 14:20, tek Ish-dogana, ka rënë nga lartësia e një pallati në ndërtim shtetasi R.K., 59 vjeç, i cili u dërgua menjeherë në spital dhe ndodhet nënkujdesin e mjekëve.
Me datë 09.06.2020, rreth orës 14:45, në vendin e quajtur “Bregu i Lumit”, një shtetas ende i paidentifikuar, dyshohet se aksidentalisht ka rënë në kontakt me rrymën elektrike, ku për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
