DOKUMENTI/ Bashkia Skrapar hap tenderin për t’i dhënë drekë mjekut Pëllumb Pipero

Mjeku infeksionist Pëllumb Pipero mori titullin “Qytetar Nderi” nga Bashkia Skrapar, pasi Pipero pati një rol të rëndësishëm gjatë pandemisë së COVID-19.

Titullin e mori më 28 maj 2020, me propozim të Kryetarit të Bashkisë Skrapar, Adriatik Mema, me motivacionin “Për veprimtari të shquar profesionale dhe akademike gjatë gjithë karrierës së tij në fushën e mjekësisë, veçanërisht në atë të sëmundjeve infektive, si dhe për kontributin e çmuar profesional dhe publik në përballimin e situatës së pandemisë, shkaktuar nga COVID-19”.

Perpos titullit , Bashkia Skrapar ka menduar edhe për një drekë, për të cilën ka hapur një tender në Agjencinë e Prokurimeve Publike. Tenderi ka si objekt “Organizimin e drekës me rastin e dhënies së titullit “Qytetar Nderi” z. Pëllumb Piperos”.

Sesa është fondi i përcaktuar nuk bëhet me dije, njësoj si nuk dihet ende nëse në drekë do të jetë edhe vetë mjeku apo do të jenë vetëm anëtarët e Këshillit Bashkiak Skrapar me stafin e bashkisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern