Detaje nga policia/ Si u ekzekutua brenda në BMW 40-vjeçari në Tiranë

Të tjera detaje janë zbardhur nga atentati mafioz te Komuna e Parisit. Si pasojë e ekzekutimit ka mbetur i vrarë brenda në makinë Hekuran Billa, 40 vjeç. Sipas raportimeve të deritanishme, ngjarja e rëndë ka ndodhur në zonën e Komunës së Parisit përball qendrës Kristal. Një makinë e bardhë tip “BMW X6”, ka humbur kontrollin dhe është përplasur me dy makina të tjera. Shoferi është qëlluar ku ka gjetur vdekjen në vend.

Njoftimi i policisë:

Më datë 11.06.2020, rreth orës 22:00, tek Komuna e Parisit në rrethana ende të paqarta është vrarë më armë zjarri shtetasi H.B., 40 vjeç, i cili po qarkullonte me mjetin e tij.

Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit.  Menjëherë është ngritur Grupi hetimor dhe nën drejtimin e Prokurorisë po vijon puna për sqarimin dhe dokumentimin e plotë të rrethanave të ngjarjes, si dhe sekuestrimin e çdo prove të vlefshme qê do çojë në identifikimin e autorit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern