“Bojkotojeni këtë antishqiptar!” Këngëtarja shpërthen ndaj Arjan Çanit: Duhet të thirrej në Prokurori

Këtë të premte drejtuesi i programit “Zonë e Lirë” Arian Çani bëri një deklaratë që shkaktoi shumë bujë në rradhët e opinionit publik.

Në studio atë moment ndodhej kreu i Kadastrës Arian Lame, ndërsa në Skype ishte në një lidhje direkte ish-drejtori i regjistrimit të pronave në Himarë, Priamo Bollano.

Më pas Çani u shpreh se Ballkani më parë ka qenë i gjithi helen.

Këto fjalë ngjallen shumë reagime.

“Ballkani ka qenë i gjithi helen. Ballkani ka qenë i gjithi helen, të tjerat janë përralla”, tha Çani.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas kësaj këngëtarja Rovena Stefa nuk ka zgjedhur të qëndrojë indiferente.

Ajo e cilëson Çanin antishqiptar, duke shtuar se ka cënuar identitetin dhe integritetin tonë kombëtar.

Gjithashtu këngëtarja bën thirrje që programi të bojkotohet nga audience dhe se gazetari duhet të ishte thirrur në Prokurori në rast se do të kishte shtet.

“Bojkoti ndaj emisionit të tij televiziv është minimalja për këtë antishqiptar, pasi po të kishte shtet ky njëri do ishte thirrur në Prokurori tani dhe të jepte llogari mbi këto deklarata që cënojnë identitetin, integritetin tonë kombëtar, pasi është person publik dhe nuk mund të bëj deklarata të tilla, pasi shqiptarët kanë vuajtur shumë nga lufta e shovinistëve grekë!”- shkruan Rovena Stefa në rrjetet sociale.