“Asgjë s’është e vërtetë” Psikologia përgënjeshtron vajzën që denoncoi p*rdhunimet: Emision i porositur, s’kemi patur mësues fetar

Mbrëmjen e djeshme deklaratat e një vajze 27-vjeçare të dalë nga jetimorja e Shkodrës, e cila tha se ishte dhunuar dhe përdhunuar sistematikisht në ambientet e këtij institucioni, tronditën opinionin publik.

Vajza me emrin Adriana, tha në programin “Dua të të bëj të lumtur” se punonjësit e këtij institucioni e kishin dhunuar, madje dhe mësuesi i fesë islame e kishte përdhunuar dhe vajzat më të mëdhaja në moshë ishin tutore dhe fitonin të ardhura duke e përdorur si prostitutë.

Mirëpo pas kësaj dëshmie, ka reaguar dhe një psikologe që ka lidhje me Shtëpinë e Fëmijës në Shkodër duke thënë se deklaratat e 27-vjeçares nuk janë të vërteta.

Ajo i hedh poshtë këto fjalë me pretendimin se në jetimore nuk ka mësues të fesë islame dhe se emisioni është i porositur, pasi Adriana nuk i beson as vetë ato që thotë.

Sipas Antonjeta Peros, vajza duhet ndihmuar me çdo kusht dhe rasti po propagandohet dhe se shteti duhet të ndërhyjë që punonjësit e jetimores të mos merren nëpër këmbë.

“Kam dy dite që përpiqem, që të bahet kujdes në propagandimin e rastit të vajzës në emisionin e kësaj nate. Shteti duhet të reagojë i pari. më vjen mirë që u vu drejtësia në vënd.

Boll janë marrë nëpërkambë punonjësit e shtëpisë së fëmijës.

Këtë radhë porositësi paska qëllu ma i dobët.

Asgjë nuk ashtë e vërtetë nga ato që Adriana tha.

Por duhet të ndihmohet të jetoje normalisht. këtë kërkon të arrijë.

Forca ta ndihmojmë!.

Adriana duhet ndihmuar me çdo kusht. Një specialiste, e kupton që edhe Adriana nuk i beson, ato çka po thote vetë”, thotë psikologia.