LIGJET E BIZNESIT
Ditën e sotme mjekë dhe përfaqësues të repartit të epidemiologjisë në durrës kanë protestuar pasi nuk kanë marrë shpërblimin e premtuar të everisë për mjekët e vijës së parë në përballjen me COVID19.
Kërkesa e tyre është që qeveria të mbajë premtimet për shpërblimet por dhe pagësën për orët e bëra të shtunën dhe të dielën, për të cilat kanë punuar gjatë 3 muajve të fundit.
Kryetari i Konfederatës së mjekëve në qytetin e Durrësit, Zija Alhysa tha për ABC Neës se urdhrat e ministres dhe të qeverisë nuk zbatohen për më tepër nga ana e drejtuesve të drejtorisë së Spitalit të Durrësit ka përgjigje me arrogancë dhe nuk ka transparencë.
“Kemi urdhrin e ministres dhe të qeverisë të cilat nuk zbatohen fare. Deri tan i asnjë person nuk ka marrë asnjë shpërblim të premtuar. Kemi bërë nga 60 orë në javë dhe asgjë s’kemi marrë. Ky është muaji i tretë që punojmë në këtë situatë, dhe kanë marrë vetëm miqtë e drejtoreshës. Ne kishim lajmëruar për protestë por personeli ka frikë dhe kanë presion se i pushojnë nga puna. Edhe shefi i epidemiologjisë nuk ka dalë këtu se i bëjnë presion. Ne kemi lënë afat për 3 ditë që të na japin përgjigje dhe më pas do ndërpresim punën, nuk kemi ku shkojmë tjetër”, tha Alhysa.
Duket sikur qeveria e ka alokuar fondin por po keqmenaxhohet nga institucionet. Duke akuzuar drejtoreshën e spitalit znj. Aurora Hyka, Alhysa tha se është ç’organizuar puna.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kemi kërkuar transparencë dhe na janë përgjigjur me arrogancë dhe mospërfillje. Unë e di detyrën time, kur ka situatë epidemie dhe vatra infeksioni duhet të jemi në krye edhe pa qenë drejtoresha fare por drejtoresha e ka ç’organizuar punën” , u shpreh ai.
