“Kosto shumë e lartë” Eksperti italian zbulon çmimin: Ja sa do të kushtojë një vaksinë anti COVID19

Një nga pyetjet më të shpeshta që bëhet në të gjithë botën, pas valës së pandemisë COVID19, është padyshim se kur do të jetë gati vaksina.

Por mesa duket edhe pas kësaj, kostot do të jenë shumë të larta.

Të dhënat i ka bërë me dije eksperti italian Silvio Garattini, dekani i farmakologeve italianë dhe themeluesi i Institutit Mario Negri për Kërkime Farmakologjike.

Në një intervistë për “MEssagerro” ai tha se një dozë e vetme mund të kushtojë deri në një mijë euro ndërsa shtoi se Italisë do t’i duheshin 50 miliard euro për të vaksinuar popullatën. Kjo shifër, shton ai, është tmerrësisht e lartë.

“Kur të vijë momenti që do të kemi një vaksinë, kostot mund të jenë shumë shumë të larta dhe duhet të jemi gatshëm e të veprojmë në kohë.”

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Garattini shton se Italia duhet të punojë me strategji dhe të bashkëpunojë me vendet e tjera që po merren me zhvillimin e një vaksine.

Ai u shpreh:

“Ne duhet të jemi të kujdesshëm në lidhje me atë që ndodh nga këndvështrimi i çmimit, duke marrë parasysh që, përveç të tjerash, shumë nga këto që po zhvillojnë vaksina tashmë kanë marrë subvencione publike dhe nga fondacione private. Europa ka mundësinë të bëjë diçka unike nëse dëshiron që të gjitha shtetet e saj të kenë vaksinën. Aleancat duhet të krijohen për të aktivizuar një mekanizëm solidariteti në mënyrë që të gjitha vendet të kenë qasje për të patur nesër vaksinën.”