LIGJET E BIZNESIT
Një ditë pas protestës për shembjen e godinës së Teatrit Kombëtar, ka ardhur dhe reagimi i Policisë së Tiranës.
Uniformat blu bëjnë me dije se janë proceduar organizatorët.
Kështu mësohet se ka nisur një hetim për aktivistët e Aleancës për Mbrojtjen e Teatrit si dhe liderët e opozitës, por dhe për këngëtarin Arkimed Lushaj i njohur si Stresi.
Gjithashtu të proceduarit janë Robert Budina, Adriana Kalaja, Neritan Liçaj, Artan Manushaqe nga Aleanca për Mbrotjen e Teatrit, ndërkohë nën hetim janë dhe Lulzim Basha, Monika Kryemadhi, Çlirim Gjata dhe Fatmir Mediu nga opozita dhe këngëtari Stresi. Ata akuzohen për pjesëmarrje në protestë të paligjshme, dhe kanë prishur rendin dhe qetësinë publike.
NJOFTIMI ZYRTAR I POLICISE
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Organizuan protestë të paligjshme, procedohen penalisht 9 persona. Specialistët për Hetimin e Krimit në Komisariatin e Policisë Nr. 1, në përfundim të veprimeve të kryera në lidhje me protestën e paligjshme të zhvilluar në Bulevardin e Kombit, proceduan penalisht në gjendje të lirë 9 shtetas. Procedimi ndaj tyre nisi pasi, më datë 18 maj 2020, rreth orës 16:30, kanë protestuar në mënyrë të paligjshme, pa lejen e organeve kompetetente, duke prishur rendin dhe qetësinë publike, aq më tepër në situatë të jashtëzakonshme në kohë pandemie, ku ndalohen me ligj grumbullimet apo tubimet.
Shërbimet e Policisë kanë proceduar penalisht, për veprën penale “Organizimi dhe pjesëmarrja në grumbullime e manifestime të paligjshme”, shtetasit: R. B., N. L., A. K., A. M., L. B., M. K., Ç. Gj., F. M. dhe A. L. Materialet i kaluan Prokurorisë së Rrethit Gjyqësor Tiranë, për veprime të mëtejshme.
