LIGJET E BIZNESIT
Kryetari i PD Lulzim Basha ditën e sotme ka nxjerrë një plan me 5 pika për mënyrën sesi mund të dilet nga situata emergjente e koronavirusit.
Lideri demokrat shkruan se duhen bërë sa më shumë testime dhe duhen gjurmuar kontaktet e personave të infektuar.
Basha kërkon më shumë mbështetje financiare për shëndetësinë.
“Të sigurojmë mjetet dhe pajisjet për personelin shëndetësor. Të garantojmë që kapacitetet tona shëndetësore të përballojnë fluksin e personave që kanë nevojë për trajtim”, është kjo kërkesa e Bashës.
Kreu i opozitës shton se izolimi i qytetarëve dhe bllokimi i ekonomisë kushton qindra herë më shumë se rritja e numrit të testimeve. Prandaj një prej kërkesave të tij është dhe hapja graduale e ekonomisë, dhe shkruan se qytetarët dhe bizneset do duhet të mësohen të funksionojnë në kushtet e distancës 1,5 m.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
SA MË SHUMË TESTIME/ Sa më shumë persona të testuar, aq më shpejt identifikohen të prekurit dhe ndalohet përhapja e COVID-19. Bllokimi i ekonomisë dhe popullsia në karantinë kanë kosto shumë më të lartë sesa testimi i qytetarëve.
GJURMIMI I BURIMIT DHE I KONTAKTEVE/ Duhet bërë gjurmim i plotë i burimit dhe i kontakteve të të prekurit. Testimi i mjekëve, policëve e personave në vijën e parë. Kjo kërkon burime njerëzore, trajnimin dhe përdorimin e kapaciteteve lokale shëndetësore.
MBËSHTETJE PËR SHËNDETËSINË/ Të sigurojmë mjetet dhe pajisjet për personelin shëndetësor. Të garantojmë që kapacitetet tona shëndetësore të përballojnë fluksin e personave që kanë nevojë për trajtim.
MATJET DHE MENAXHIMI I SITUATËS/ Duhet një sistem i saktë i matjes së impaktit që kanë masat e marra. Nëse ne e dimë çfarë impakti kanë ato – ulin, mbajnë konstant apo rrisin numrin e të infektuarve -atëherë do të kemi mundësi të reagojmë menjëherë në menaxhimin e situatës, duke i shtrënguar apo lehtësuar më shumë masat e marra.
TRANZICIONI DREJT HAPJES SË EKONOMISË/ Rifillimi kërkon përshtatjen me realitetin e ri. Qytetarët dhe bizneset do duhet të mësohen të funksionojnë në kushtet e distancës 1,5 m. Sa më shpejt të adoptohet kjo mënyrë e re aq më shpejt mund të rifillojë ekonomia dhe të reduktohet karantina. Qeveria duhet të mbështesë me fonde dhe lehtësira mënyrën e re të funksionimit të ekonomisë.
Nga ana tyjetër nga nesër qeveria ka lajmëruar se do hapen një sërë aktivitetesh e bizesesh, ku mes tyre është dhe hoteleria dhe strukturat e tjera akomoduese. Po ashtu nga Ministria e Shëndetësisë është bërë më dije se strategjia që është ndjekur deri tani me testimeve ka rezultuar e suksesshme, pranda nuk do e ndryshojnë. Po nesër në QSUT do të nisë dhe testimi serologjik për personelin shëndetësor.
