“Po pres të dal nga spitali” Mjeku Roland Xhaxho i gëzon të gjithë, shërohet nga COVID19

Një tjetër lajm i mirë vjen nga bluzat e bardha.

Mësohet se mjeku i njohur reanimator, njëkohësisht dhe profesor Roland Xhaxho ka fituar betejën me COVID19, duke u shëruar nga ky virus.

Lajmin e ka bërë të njohur vetë Xhaxho, në një komunikim me Report Tv.

“Kam bërë teste, jam negativizuar, pres të dal nga spitali” tha ai.

Roland Xhaxho u konfirmua pozitiv me koronavirus dhe më pas u shtrua në Spitalin Infektiv më datë 14 prill.

Po kështu, pas daljes nga spitali ai është i detyruar të qëndrojë edhe 14 ditë të tjera i vetëizoluar në shtëpi, për të mbyllur kapitullin me COVID19 njëherë e mirë.