LIGJET E BIZNESIT
Organizata Botërore e Shëndetësisë ka bërë së fundmi një studim ku do të marrin pjesë 100 shtete, mes tyre dhe Shqipëria.
E gjitha kjo ka të bëjë me gjetjen e një mjekimi kundër COVID19 në një kohë sa më të shkurtër.
Zyra e OBSH në Shqipëri sqaron se ky studim do të përfshijë paciente në moshë të rritur dhe të hospitalizuar dhe që do të marrin trajtim mjekësor spitalor standard për të parë efektet e medikamenteve.
Do të jenë vetë pacientët që vendosin nëse do të marrin medikamentet ndërsa ekipi mjekësor do të vlerësojë gjendjen e pacientet për efektet anësore që do të japë medikamenti por edhe për sëmundjet bashkëshoqëruese.
Medikamentet e certifikuara deri tani për këtë testim janë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
– chloroquine ose hydroxychloroquine;
– lopinavir dhe ritonavir;
– lopinavir/ritonavir plus interferon beta,dhe remdesivir.
“OBSh-ja përgëzon Shqipërinë për pjesëmarrjen në Studimin klinik të Solidaritetit. Mbi 100 vende në botë janë duke punuar së bashku përmes këtij studimi, për të gjetur mjekimet e efektshme në kohën më të shpejtë të mundshme.
Studimi përfshin pacientët në moshë të rritur me COVID-19, të hospitalizuar. Pacientët adultë, të cilët marrin trajtimin spitalor standard, do të marrin gjithashtu medikamente që po studiohen për veprimin e tyre ndaj koronavirusit të ri dhe sëmundjes së shkaktuar prej tij.
Në Shqipëri do të zbatohet i njëjti protokoll standard, sikurse edhe në vendet tjera. Çdo pacient jep pëlqimin e tij nëse dëshiron të marrë edhe medikamentet në studim apo jo. Ekipi mjekësor i trajnuar vlerëson gjendjen e çdo pacienti për sëmundjet bashkëshoqëruese dhe kundërindikimet.
Përmes Studimit klinik të Solidaritetit, do të studiohen medikamentet:
– chloroquine ose hydroxychloroquine;
– lopinavir dhe ritonavir;
– lopinavir/ritonavir plus interferon beta,dhe remdesivir.
Medikamente të tjera mund të shtohen në studim sipas të dhënave kërkimore.
Studimi monitorohet nga Komiteti për të dhënat globale dhe monitorimin e sigurisë, i përbërë nga një grup ekspertësh të pavarur”, thuhet në deklaratën e OBSH.
