Ndryshim në politikën e Kosovës/ Haradinaj firmos marrëveshjen me Mustafën për koalicionin qeverisës

Një ndryshim i papritur vjen nga politika e Kosovës.

Mësohet se kryetari i AAK Ramush Haradinaj ka nënshkruar marrëveshjen për koalicionin qeverisës me kreun e LDK Isa Mustafa.

Këtë fakt e ka bërë të ditur vetë Haradinaj pas takimit me Mustafën.

“Arritëm marrëveshje me LDK-në”, ka deklaruar ai.

Gjithashtu Haradinaj nuk ka lënë pa përmendur edhe emrat që ka propozuar për ministra, 4 ministri dhe 1 zv.kryeministër.

AAK ka propozuar për ministra në Këshill Drejtues, Ramë Likaj, Blerim Kuçi, Selim Selimi dhe Meliza Haradinaj, ndërsa zëvendëskryeministër do të jetë Besnik Tahiri.

AAK merr Ministrinë e Drejtësisë, Arsimit, të Punëve të Jashtme dhe të Zhvillimit Ekonomik.