E papritur/ Moderatorja shqiptare largohet nga emisioni: Puna mu kthye në detyrë shtëpie..

Një tjetër largim i bujshëm është shënuar së fundmi në televizionet shqiptare.

Bëhet fjalë për moderatoren Suada Daci, e cila ka vendosur që të mos jetë më pjesë e programit të mëngjesit “Rreze Dielli”.

Ndërkohë që lajmin e ka dhënë vetë Suada, për revistën Who, ka komentuar edhe arsyen e largimit.

Sipas Dacit, kur një punë të kthehet në “detyrë shtëpie”, më mirë të heqësh dorë prej saj.

‘Kur një punë të kthehet në ‘detyrë shtëpie’, më mirë është të heqësh dorë prej saj. Dhe në të tilla raste është mirë t’u japësh kohë gjërave, por mbi të gjitha vetes.

Bashkë do të dëgjohemi çdo ditë në radion kombëtare “Club Fm” ku bashkë me Enkel Demin do të vazhdojmë në “Makinë me dy timonë”. Dua të falenderoj me zemër të gjithë të gjithë të ftuarit e mi, të cilët pranuan të ishin pjesë e programit edhe pse nën një logo të vogël. Respekt maksimal për dy kolegët e zemrës Alban Musa dhe zonjën Vjollca, ka qenë kënaqësi puna me dy qytetarë’, ka deklaruar ajo.

Moderimin e ‘Rreze Dielli’ krah zonjës Vjollca e ka marrë Katerina Trungu.

Kujtojmë se para pak kohësh dhe moderatori Alban Musa u largua nga ky emision.