Pipero flet për përhapjen e koronavirusit: Kjo javë është piku, në javën e tretë të prillit pritet thyerja e epidemisë

Në një lidhje direkte me studion e emisionit “Open” me anë të një lidhje me “Skype” mjeku i njohur Pëllumb Pipero zbuloi dhe pyetjet më të shpeshta të qytetarëve në këto kohë.

“Dy janë pyetjet më të shpeshta, të cilat lidhen me shenjat e sëmundjes dhe kur i vjen fundi i kësaj epidemie”- tha ai.

Mjeku infeksionist ka folur edhe për ecurinë e përhapjes së koronavirusit duke u shprehur se rritja është graduale dhe kjo është java e pikut të pandemisë. Më tej shton se pritet që në javën e tretë të prillit të pritet thyerja e epidemisë.

“Nëse u referohemi shifrave unë mendoj se do ketë një lloj qendrueshmërie. Në kemi një rritje graduale, unë mendoj se kjo javë do jetë me atë që quhet piku i epidemisë dhe në javën e dytë të prillit do jetë ajo që quhet java shesh i epidemisë dhe më tej do kemi thyerjen”, theksoi mjeku i njohur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern