LIGJET E BIZNESIT
Jennifer Lopez dhe Shakira dhuruan një super performancë në pushimin e ndeshjes në “Super Bowl”. Dy artistet kënduan disa nga hitet më të njohura ndër vite dhe arritën të ngrinin peshë gjithë publikun me energjinë e zërin e tyre.
Jennifer dhe Shakira i lanë të gjithë pa fjalë edhe me veshjet e tyre, për të cilat duket se kanë shpenzuar jo pak. Sipas “Entertainment Tonight” çizmet e kuqe që Shakira kishte veshur kanë kushtuar plot 20 mijë dollarë.
Dizanjeri i njohur, Dan Life, zbukuroi këpucët e këngëtares, që janë 15 vite të vjetra, me kristale të kuq. “Ato çizme ishin të preferuarat e Shakira-s, sepse ajo i ka veshur për vite me radhë. Më drejtoi skuadra e saj për punën që duhej të bëja, por javën e fundit punova vetë me Shakira-n dhe kjo ishte diçka shumë e bukur. Krijimi i çizmeve të saj më mori 10 ditë kohë, duke punuar natë e ditë”, ka treguar Dan Life.
Dizanjeri i mbuloi çizmet e këngëtares me 30 mijë kristale “Swarovski” dhe për këtë arsye çmimi i tyre ishte aq i lartë. E gjithë veshja e kuqe e Shakira-s, e dizenjuar nga Peter Dundas, ka pasur 2 milion kristale në total, pa përmendur këtu korsenë që kishte për “belly dancing” dhe kitarën e saj që kishte edhe 70 mijë kristale të tjerë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
