“Ke 48 orë kohë” Pas ultimatumit të OFL, reagon avokati i Lul Berishës: Nuk ka pasuri, s’ka çfarë deklaron

Operacioni Forca  e Ligjit ka lajmëruar ditën e sotme se në shënjestër të tij do të jetë drejtuesi i grupit kriminal në Durrës Lulzim Berisha.

Ndër të tjera ky operacion i ka bërë kërkese në formë ultimatum 49-vjeçarit, duke iu drejtuar se ka 48 orë kohë për të plotësuar formularin ku të deklarojë pasurinë e tij, në të kundërt do ti sekuestrohet.

Menjëherë pas kësaj deklarate të policisë, ka ardhur dhe reagimi i Lul Berishës, nëpërmjet avokatit të tij Detar Hysi.

Avokati është shprehur se klienti i tij nuk ka pasuri për të deklaruar pasi është sekuestruar nga Krimet e Rënda.

“Klienti im nuk ka cfarë pasurish të deklarojë i kanë sekuestruar krimet me kohë. Lulzim Berisha ka një bar kafe me qira dhe një autobot që shpërndan naftën për anijet. Pronat e të motrës së Lul Berishës i ka kthyer Gjykata e Larte. Lul Berisha është një qytetar i lirë që respekton ligjet, paguan tatimet. Të gjitha pronat e Lul Berishës kanë kaluar në favor të shtetit me vendim të gjykatës së Lartë” ka deklaruar Hysi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern