LIGJET E BIZNESIT
Gazetari Robert Rakipllari mendon se kryeministri Edi Rama sillet si një aktor Hollivudi, me situatën pas tërmetit. Në emisionin Opinion, ai tha se Rama nuk lë asnjë që t’i marrë fronin.
“Nëse pjesën e para Rama ishte në panik për të menaxhuar situatën, por edhe për të mos humbur politikisht nga kjo ngjarje, pjesën e dytë Rama e perfeksioni propagandën dhe e ktheu për të fituar politikisht. Kryeministri kërkon protagonizëm tjetër në këtë moment, nuk ka asnjë përplasje as më kryetar bashkie as deputet. Nuk do që njëri tjetër t’i marrë fronin, se ai është shpëtimtari. Nga buxheti i shteti deri më tani nuk ka dalë asnjë lekë. Më shumë lekë kanë mbledhur Elvis Naçi dhe Arbër Hajdari se sa qeveria me e-Albanian”, tha Robert Rakipllari.
Për analistin Lorenc Vangjeli sjelljet që po bën kryeministri tregojnë se ai po përgatitet për fushatë. Tërmeti, tha zoti Vangjeli, tregoi që në jemi lakuriq.
Lorenc Vangjeli: Te Rama mund të gjedh mënyrë e gabuar që ai komunikon, batutën jo të përshtatshme të momentit ose fyerjet që i bën njërit apo tjetrit, por këto japin një mozaik të madh. Vetëm një sy naivi dhe një sy i pastërvitur, ky mozaik i madh është propozimi i Edi Ramës për mandatin e tretë. Në qoftë se erdhi në 2013 në pushtet duke larguar Berishën me pretendimin që do bënte shtet dhe nuk i ndodhi kjo gjë edhe për shkak të incidenteve. Mori mandatin e dytë duke kërkuar tepsinë dhe timonin të gjithi për veten. Në mandatin e tretë ai do të risjellë triumfin apo dështimin e tij në këtë histori, të tërmetit. Është cinike të flasësh për epërsi politike në këtë moment, por është e vërtet që ai e ka fituar këtë epërsi. Sot ai në sytë e të gjithë shqiptarëve shihet si shpresë kur flitet që kanë mëndje të mençur që e kritikojnë qoftë në Tiranë apo në gjithë Shqipërinë. Tërmeti tregoi që në jemi lakuriq. Ai nuk ka konflikt me zëvendëskryeministrin (Erion Braçe)as me kryetarin e Bashkisë (Erion Veliaj), ata janë si rrathë bashkëqendror që shikojnë si kult të vetëm Ramën. Nuk ka konflikt, ata të gjithë atje janë për shkak të Edi Ramës.
Burimi/Opinion.al/
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
