Paketa anti-shpifje, Ylli Manjani: Ndjesë për cinizmin, por dëshiroj që Edi Rama ta miratojë atë ligjin

Ish-ministri i Drejtësisë, Ylli Manjani nëpërmjet një postimi në rrjetet sociale shpreh se dëshiron që Edi Rama ta miratojë atë ligjin anti-shpifje, duke argumentuar se kjo do të çonte deri në fund përplasjen e tij jo vetëm me popullin por edhe me ‘aleatët’ apo ‘partnerët’.

Manjani shkruan në rrjetet sociale se miratimi në Parlament i kësaj pakete do t’ja nxjerrë bojën deri në fund edhe Palmer-it, Hahn-it, Mogherinit, e shokëve e shoqeve të tyre nëpër ambasada këtu, të cilët justifikohen se detyra e tyre është të jenë me qeverinë.

Më tej ish-ministri argumenton se duke mos i pyetur hapur, i bie që ose nuk kemi aleatë, ose kemi aleatë pa peshë, në emër të të cilëve këtu është ndërtuar një mashtrim i madh.

Reagimi i plotë:

Ndjesë për cinizmin, por dëshiroj që Edi Rama ta miratojë atë ligjin anti-shpifje. Ta çojë deri në fund përplasjen jo vetëm me popullin e tij, por edhe me ata që i quan “aleatë” apo “partnerë”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Tua nxjerrë bojën edhe atyre, me të cilët na hapi barkun me turlilloj shpikjesh që shkatërruan çdo formulë shtetndërtimi në këtë vend. Tja nxjerrë bojën deri në fund edhe Palmer-it, Hahn-it, Mogherinit, e shokëve e shoqeve të tyre nëpër ambasada këtu, të cilët justifikohen se detyra e tyre është të jenë me qeverinë..??

E mbani mend se si mbrohej me shprehjen “na mbështesin aleatët”?! Po tani që “aleatët” janë kundër ligjit të tij dhe Erdoganizmit të vendit, pse nuk i dëgjon?!

Duhet të mos i pyesë fare, se në fakt asnjëherë nuk i ka pyetur, por i ka përdorur mjeshtërisht për interesin e tij për pushtet.

Kështu duke mos i pyetur hapur, i bie që ose nuk kemi aleatë, ose kemi aleatë pa peshë, në emër të të cilëve këtu është ndërtuar një mashtrim i madh.

Për ta kuptuar të gjithë këtë gjë duhet që Ai ta çojë deri në fund atë që ka nisur. Që askush të mos ketë më asnjë iluzion që qeverisemi nga një qeveri që nuk ka aleatë siç pretenton. Por ka miq personalë, që nuk kanë më fuqi ta ndalojnë bishën që kanë mbështetur deri më sot.

Natyrisht goja nuk mbyllet sot, kot e ka! As mafia nuk e bën më këtë gjë…