LIGJET E BIZNESIT
Pas uljes së çmimit të naftës në botë, edhe Bordi i Transparencës ka rishikuar çmimet e karburanteve në Shqipëri. Në mbledhjen e fundit ka vendosur të ulë çmimin e naftës me vetëm 4 lekë për litër, duke e zbritur në 220 lekë për litër, brenda kufirit ku aktivizohet ulja e akcizës prej 20%, me efekt 9.4 lekë për litër.
Benzina nuk ka ndryshuar në 181 lekë për litër, ndërsa gazi sërish nuk është pjesë e vendimit.
Në doganë, treguesi Platts, që përdoret për referencë nga Doganat për takimin dhe kompanitë në momentin që e hedhin naftën në treg, Platts ishte sot 1570 USD (treguesi CIF përfshirë koston e transporti dhe sigurimin), nga 1617 që ishte të premten e javës së kaluar kur u mbyll bursa.
Vendimi i plotë i Bordit të Transparencës:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 220 lekë/litri, ndërsa i shitjes me shumicë jo më shumë se 208 lekë/litër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çmimi i shitjes me pakicë i nënproduktit benzinë e standardit SSH EN të jetë jo më shumë se 181 lekë/litri, ndërsa i shitjes me shumicë jo më shumë se 169 lekë/litër.
Çmimet e caktuara nga Bordi do të hynë në fuqi sot datë 8 ora 15.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Ministria e Ekonomisë dhe Inovacionit së bashku me Ministrinë e Financave dhe Ministirinë e Infrastrukturës dhe Energjisë njoftojnë se janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.
