LIGJET E BIZNESIT
Presidenti amerikan Donald Trump dhe ai francez, Emmanuel Macron kanë zhvilluar një takim në Londër.
Ky takim vjen pas komenteve të forta të Macron se NATO-ja po përjeton “vdekje klinike” dhe pasi zoti Trump e kritikoi atë për një vlerësim të tillë. Pavarësisht marrëdhënies së ftohtë të tyre ata ranë dakort se vendet e tjera duhet të kontribojnë më shumë.
Presidenti Donald Trump tha se është i kënaqur që vendet anëtare të NATO-s po e rrisin buxhetin për mbrojtjen, por se duhet bërë më shumë për të ndarë barrën financiare të aleancës.
“Ka disa vende që nuk po e përmbushin angazhimin e tyre dhe ato do të marrin një reagim. Ndoshta mënyra sesi do të kundërpërgjigjem është nga pikëpamja tregëtare. Ndoshta në një mënyrë tjetër. Do të gjej një mënyrë, që ata të paguajnë.
“Mendoj se Presidenti (Macron) dhe unë, duam më shumë fleksibilitet. Dhe mendoj që të dy jemi dakord për një gjë të tillë, që ta përdorim për të tjera gjëra jo vetëm për një vend të veçantë”, tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ishte takimi i parë mes dy presidentëve që kur udhëheqësi francez tha në një intervistë se NATO-ja po përjeton “vdekje klinike”. Macron tha se u qëndron komenteve të tij. Presidenti Trump e kishte kritikuar të martën zotin Macron duke thënë se komenti i udhëheqësit francez ishte një “deklaratë e shëmtuar.
Të dy udhëheqësit ndodhen në Londër për të marrë pjesë në takimin e nivelit të lartë të aleancës.
