LIGJET E BIZNESIT
Vitet e fundit shumë qytetarë nga Shqipëria dhe Kosova kanë zgjedhur largimin nga vendi si një mundësi më të mirë për jetën e tyre.
Ata preferojnë të udhëtojnë në vendet e huaja për të gjetur një punë që i përshtatet dhe padyshim që sjell të ardhura më të larta.
Një nga destinacionet më të preferuara është Gjermania.
Më parë të rinjtë që donin punë sezonale ose dhe për më shumë, duhet të përgatiteshin që të kompletonin dokumentacionet e nevojshme për të aplikuar për vizë pune.
Por Gjermania nga data 1 mars ka vendosur që të lehtësojë këto procedura, në mënyrë që një vizë pune të arrihet të merret më shpejt.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Që nga kjo datë në Gjermani hynë në fuqi rregulla të reja rreth imigrimit të fuqisë punëtorë të kualifikuar. Ligji i ri zgjeron mundësinë tashmë ekzistuese për punëmarrësit e kualifikuar nga shtetet që nuk janë pjesë e BE-së, si Kosova, Shqipëria e vende të tjera, por që kërkojnë të fillojnë një marrëdhënie punësimi në Gjermani.
Jan Freigang dhe Feride Ozdemir kanë realizuar së fundi një video në të cilën flasin për përpunimin e vizave profesionale.
Freigang tha se i pëlqen të shkojë drejtë Zyrës për Punë të Jashtme çdo të hënë, por që sot është edhe më e veçantë.
“Sot po kalojmë në hapësirën tonë të re, të një zyre tjetër me një ekip të ri për të filluar një detyrë të re dhe të mrekullueshme. Gjermani është vend që ka nevojë për punëtorë të aftë. Qoftë në kujdes shëndetësorë, në zanate, apo në industrinë e IT’së. Për këtë po bëhet edhe Ligji rreth Imigrimit të Fuqisë Punëtore të Kualifikuar, i cili do të hyjë në fuqi më 1 mars të vitit të ardhshëm. Ne duam të sigurojmë bashkë me ekipin tonë të ri profesionistë se mund të marrin një vizë për hyrje në Gjermani”, tha ai.
Ndërsa Ozdemir tha se në disa vende njerëzve u duhet të presin shumë gjatë për shkak të kërkesës për vizë dhe se për këtë arsye dëshirojnë të mbështesin dhe lehtësojnë ambasadat dhe konsullatat nga Berlini duke marrë përsipër përpunimin e kërkesave për viza nga specialist të shumtë.
“Në praktikë kjo funksionon në atë mënyrë që aplikimi të bëhet në Ambasadë, ne bëjmë provimin në Berlin dhe nëse gjithçka është siç duhet, Ambasada e jep vizën. Jam e kënaqur që jam pjesë e një prezantimi të ri që nga fillimi dhe do të punoj në një ekip ku njohuritë specifike për vendet nga e gjithë bota mblidhen në një vend”, shtoi ajo.
