Thellohet bilanci/ Shkon në 29 numri i viktimave, nxirret pajetë çifti i bashkëshortëve, humbën edhe djalin

Vijon të thellohet bilanci i viktimave nga tërmeti tragjik me magnitudë 6.4 ballë që goditi Shqipërinë, duke shkuar kështu në 29 të vdekur.

Pak minuta më parë janë nxjerrë nga rrënojat e pallatit 5-katësh në Thumanë trupat e pa jetë të Pëllumb dhe Çelike Gregut.

Ka qenë vëllai ai Pëllumbit ai që i ka identifikuar.

Dy viktimat janë prindërit e 25-vjeçarit Saimir Gregu, i cili edhe pse u shpëtua gjallë dje nga rrënojat, ndërroi jetë sot në spitalin e Traumës.

Vijon puna për nxjerrjen e trupave të tjerë nga forcat e ekipit të kërkim shpëtimit.