‘Mos më nxirrni, dua të vdes në krahët e vajzës’ fjalët rrënqethëse të nënës që humbi jetën pas 12 orësh nën rrënoja

Këto janë fjalët e fundit të nënës 30-vjeçare, Diena Karanxha që iu ka thënë ekipit të shpëtimit teksa përpiqeshin ta nxirrnin nga rrënojat që shkaktoi tërmeti shkatërrimtar i 26 nëntorit.

Pavarësisht gjendjes  së saj shëndetësore, ajo arriti të fliste me ekipet e shpëtimit.

Historia e saj tronditi mediat shqiptare dhe ato mbarë botërore.

Ajo humbi jetën së bashku me vajzën e saj të mitur, vetëm 8 vjeç.

Nënë e bijë qëndruan të përqafuara për 12 orë nën rrënoja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Diena Karanxha dhe vajza e saj jetonin në Durrës, dhe kohë më parë një tjetër fatkeqësi kishte goditur familjen, pasi ajo kishte humbur bashkëshortin si pasojë e një sëmundje të rëndë.

Nga tërmeti humbi jetën dhe nëna e Dienës.

Fillimisht u nxorr e pajetë vajza 8-vjeçare Esiela, ndërsa nëna edhe pse u nxorr e gjallë nga rrënojat humbi jetën si pasojë e hemorragjisë pasi nuk mundi tu mbijetontë plagëve të marra.